سورة نوح - آیت 26

وَقَالَ نُوحٌ رَّبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا

اور نوح نے کہا اے میرے رب! زمین پر ان کافروں میں سے کوئی رہنے والا نہ چھوڑ۔

نوح علیہ السلام ان بدنصیبوں كی اپنے قادر ذوالجلال الٰہ كے آگے فریاد كرتے ہیں اور اس مالك سے ان پر آفت وعذاب نازل كرنے كی درخواست پیش كرتے ہیں تو خدایا ان ناشكروں میں سے ایك كو بھی چلتا پھرتا نہ چھوڑ، اور یہی ہوا بھی كہ سارے كہ سارے غرق كر دئیے گئے یہاں تك كہ نوح علیہ السلام كا سگا بیٹا بھی نہ بچ سكا۔ آپ كی بددعا كافروں كے لیے تھی كہ اگر ایسے بدكردار لوگ زندہ رہے تو ان كے نطفہ سے بھی بے حیا، بدكردار اور اللہ كے نافرمان اور ناشكرے ہی پیدا ہوں گے اور وہ خود تو كیا ایمان لائیں گے دوسروں كو بھی گمراہ ہی كرنے كی كوشش كریں گے۔