سورة المعارج

فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ

پس انھیں چھوڑ دے کہ وہ بے ہودہ باتوں میں لگے رہیں اور کھیلتے رہیں، یہاں تک کہ اپنے اس دن کو جا پہنچیں جس کا وہ وعدہ دیے جاتے ہیں۔

دنیا میں ڈھیل: اللہ تعالیٰ فرماتا ہے اے نبی! انھیں ان كے جھٹلانے، كفر كرنے اور سركشی میں بڑھنے میں ہی چھوڑ دو۔ جس كا وبال ان پر اس دن آئے گا جس دن اللہ تعالیٰ انھیں بلائے گا۔ اور یہ میدان محشر كی طرف جہاں انھیں حساب كے لیے كھڑا كیا جائے گا اس طرح نہایت تیزی سے دوڑتے ہوئے جائیں گے جس طرح دنیا میں كسی بت یا عَلم یا تھان كو چھونے اور بوسہ دینے كے لیے ایك دوسرے سے آگے بڑھتے ہوئے جاتے ہیں۔