سورة الحاقة

وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ

اور لیکن جسے اس کا اعمال نامہ اس کے بائیں ہاتھ میں دیا گیا تو وہ کہے گا اے کاش! مجھے میرا اعمال نامہ نہ دیا جاتا۔

بائیں ہاتھ میں نامہ اعمال: جب میدان قیامت میں گنہگاروں كو ان كا نامہ اعمال بائیں ہاتھ میں دیا جائے گا تو یہ نہایت ہی پریشان وپشیمان ہوں گے اور حسرت وافسوس سے كہیں گے، كاش كہ ہمیں اعمال نامہ ملتا ہی نا اور كاش كہ ہم اپنے حساب كی اس كیفیت سے آگاہ ہی نہ ہوتے، كاش كہ موت نے ہمارا كام ختم ہی كر دیا ہوتا اور یہ دوسری زندگی ہمیں سرے سے ملتی ہی نا۔ اور نہ یہ دن دیكھنا نصیب ہوتا۔ آج میرے لیے یہ بھی ممكن نہیں كہ میں اپنا دنیا میں چھوڑا ہوا مال فدیہ میں دے كر جان چھڑا لوں۔