سورة الحاقة

يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ

اس دن تم پیش کیے جاؤ گے، تمھاری کوئی چھپی ہوئی بات چھپی نہیں رہے گی۔

اللہ كے حضور پیشی: یہی وہ دن ہوگا جب تم اللہ كے سامنے پیش كیے جاؤ گے۔ اس پیشی میں تمہارے ارادہ كو كچھ دخل نہ ہوگا بلكہ اضطراراً تمہیں پیش كیا جائے گا اور تمہیں پیش ہونا پڑے گا، كوئی شخص اس پیشی سے چھپا نہیں رہ سكتا، وہ ہر چھپی اور كھلی چیز كا عالم ہے اس لیے تمہارا كوئی بھید اس روز چھپ نہ سكے گا۔ حضرت عمر رضی اللہ عنہ كا قول ہے: لوگو! اپنی جانوں كا حساب كر لو اس سے پہلے كہ تم سے حساب لیا جائے۔ اور اپنے اعمال كا آپ اندازہ كر لو اس سے پہلے كہ ان اعمال كا وزن كیا جائے تاكہ كل قیامت والے دن تم پر آسانی ہو، جس دن كو تمہارا پورا پورا حساب لیا جائے گا اور بڑی پیشی میں خود اللہ تعالیٰ جل شانہ كے سامنے تم پیش كر دئیے جاؤ گے۔