سورة الحاقة

سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ

اس نے اسے ان پر سات راتیں اور آٹھ دن مسلسل چلائے رکھا۔ سو تو ان لوگوں کو اس میں اس طرح (زمین پر) گرے ہوئے دیکھے گا جیسے وہ کھجوروں کے گرے ہوئے تنے ہوں۔

چاروں شانے چت: یعنی یہ لوگ بڑے مضبوط جسم والے، طاقتور اور طویل القامت تھے۔ جب ان كو ہود علیہ السلام نے عذاب سے ڈرایا تو كہنے لگے (مَنْ اَشَدُّ مِنّا قُوَّةً) ہم سے زیادہ طاقتور كون ہے؟ لیكن جب ہم نے ان پر ہوا كو چھوڑ دیا تو یہ لوگ اس كا بھی مقابلہ نہ كر سكے اور تند وتیز ہوا نے ان كو یوں چاروں شانے چت گرا دیا كہ طویل القامت ہونے كی وجہ سے ان كے سر گرتے ہی تن سے جدا ہو جاتے تھے۔ اور یوں معلوم ہوتا تھا كہ كھجوروں كے بے جان اور كھوكھلے تنے پڑے ہوئے ہیں۔