سورة الحاقة - آیت 6

وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ

ترجمہ عبدالسلام بھٹوی - عبدالسلام بن محمد

اور جو عاد تھے وہ سخت ٹھنڈی، تند آندھی کے ساتھ ہلاک کردیے گئے، جو قابو سے باہر ہونے والی تھی۔

تسہیل البیان فی تفسیر القرآن - ام عمران شکیلہ بنت میاں فضل حسین

عَاتیةٍ: قوم عاد پر جو عتاب آیا، وہ سخت آندھی كا عذاب تھا، یہ ہوا نہایت سرد اور یخ بستہ تھی اور یہ ہوا اتنی سركش تھی جس پر كسی مخلوق كا زور نہ چلتا تھا۔