سورة القلم

وَمَا هُوَ إِلَّا ذِكْرٌ لِّلْعَالَمِينَ

حالانکہ وہ تمام جہانوں کے لیے نصیحت کے علاوہ کچھ بھی نہیں۔

یعنی جب آپ لوگوں كو قرآن پڑھ كر سناتے ہیں تو وہ آپ كو یوں گھورنے لگتے ہیں اور آپ پر نظریں گاڑ كر ایسا مقناطیسی اثر ڈالنا چاہتے ہیں جس سے مرعوب ہو كر آپ یہ كام چھوڑ دیں، پھر بڑی حقارت كے ساتھ لوگوں كو بتاتے ہیں كہ یہ تو دیوانہ آدمی ہے۔ یعنی جو قرآن تم پڑھ كر سنا رہے ہو نہ اس میں كوئی دیوانگی كی بات ہے اور نہ آپ میں بلكہ یہ كتاب تو تمام اہل عالم كی ہدایت كے لیے نازل كی جا رہی ہے۔ الحمد للہ سورئہ ن، والقلم كی تفسیر مكمل ہوئی