سورة القلم - آیت 49

لَّوْلَا أَن تَدَارَكَهُ نِعْمَةٌ مِّن رَّبِّهِ لَنُبِذَ بِالْعَرَاءِ وَهُوَ مَذْمُومٌ

ترجمہ عبدالسلام بھٹوی - عبدالسلام بن محمد

اگر یہ نہ ہوتا کہ اسے اس کے رب کی نعمت نے سنبھال لیا تو یقیناً وہ چٹیل زمین پر اس حال میں پھینکا جاتا کہ وہ مذمت کیا ہوا ہوتا۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی اگر اللہ تعالیٰ انھیں توبہ اور مناجات كی توفیق نہ دیتا اور ان كی دعا قبول نہ فرماتا تو انھیں ساحل سمندر كی بجائے، جہاں ان كے سائے اور خوراك كے لیے بیل دار درخت اگا دیا گیا كسی بنجر زمین میں پھینك دیا جاتا اور عند اللہ ان كی حیثیت بھی مزموم رہتی جب كے قبولیت دعا كے بعد وہ محمود ہوگئے۔