سورة القلم

إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ

بلاشبہ ڈرنے والوں کے لیے ان کے رب کے ہاں نعمت والے باغات ہیں۔

مشركین مكہ كہتے تھے كہ اگر قیامت ہوئی تو وہاں بھی ہم مسلمانوں سے بہتر ہی ہوں گے۔ جیسے دنیا میں ہم مسلمانوں سے زیادہ آسودہ حال ہیں۔ اللہ تعالیٰ نے ان كے جواب میں فرمایا، یہ كس طرح ممكن ہے كہ ہم مسلمانوں یعنی اپنے فرمانبرداروں كو اِن مجرموں یعنی نافرمانوں كی طرح كر دیں۔ مطلب یہ ہے كہ یہ كبھی نہیں ہو سكتا كہ اللہ تعالیٰ عدل وانصاف كے خلاف دونوں كو یكساں كر دے۔