سورة الملك

إِنَّ الَّذِينَ يَخْشَوْنَ رَبَّهُم بِالْغَيْبِ لَهُم مَّغْفِرَةٌ وَأَجْرٌ كَبِيرٌ

یقیناً جو لوگ اپنے رب سے بغیر دیکھے ڈرتے ہیں، ان کے لیے بڑی بخشش اور بڑا اجر ہے۔

نافرمانی سے خائف ہی مستحق ثواب ہیں: اللہ تعالیٰ ان لوگوں كو خوشخبری دے رہا ہے جو اپنے پروردگار كے سامنے كھڑے ہونے سے ڈرتے ہیں گو تنہائی میں ہوں جہاں كسی كی نگاہیں ان پر نہ پڑ سكیں تاہم خوف خدا سے كسی نافرمانی كے كام كو نہیں كرتے نہ اطاعت وعبادت سے جی چراتے ہیں، ان كے گناہ بھی اللہ تعالیٰ معاف فرما دیتا ہے اور زبردست ثواب اور بہترین اجر عنایت فرمائے گا۔