سورة الصف

كَبُرَ مَقْتًا عِندَ اللَّهِ أَن تَقُولُوا مَا لَا تَفْعَلُونَ

اللہ کے نزدیک ناراض ہونے کے اعتبار سے بڑی بات ہے کہ تم وہ کہو جو تم نہیں کرتے۔

قول و فعل كا تضاد اللہ كے ہاں سخت ناپسندیدہ چیز ہے: حضرت ابن عباس رضی اللہ عنہما فرماتے ہیں كہ بعض مومنوں نے جہاد كی فرضیت سے پہلے كہا كہ كیا ہی اچھا ہوتا اللہ تعالیٰ ہمیں وہ عمل بتلاتا جو اسے سب سے زیادہ پسند ہوتا تاكہ ہم اس پر عامل ہوتے۔ پس اللہ تعالیٰ نے اپنے نبی صلی اللہ علیہ وسلم كو خبر دی كہ سب سے زیادہ پسندیدہ عمل میرے نزدیك ایمان ہے جو شك وشبہ سے پاك ہو اور بے ایمانوں سے جہاد كرنا ہے تو بعض مسلمانوں پر یہ بھاری پڑا۔ جس پر اللہ تعالیٰ نے یہ آیت اتاری كہ وہ باتیں زبان سے كیوں نكالتے ہو جنھیں كرتے نہیں۔ (در منثور: ۸/ ۱۴۶)