سورة القمر

أَكُفَّارُكُمْ خَيْرٌ مِّنْ أُولَٰئِكُمْ أَمْ لَكُم بَرَاءَةٌ فِي الزُّبُرِ

کیا تمھارے کفار ان لوگوں سے بہتر ہیں، یا تمھارے لیے (پہلی) کتابوں میں کوئی چھٹکارا ہے؟

اے مکہ کے کافرو! اب تم بتاؤ کیا تم ان لوگوں سے زیادہ طاقت ور ہو یا ان سے زیادہ شان و شوکت رکھتے ہو۔ پھر اگر وہ ہمارے عذاب سے نہیں بچ سکے تو تم کیسے بچ جاؤگے؟ یا ہم نے کسی آسمانی کتاب یا صحیفہ میں یہ لکھ دیا ہے کہ تم دنیا میں جو چاہو کرتے پھرو۔ ہم تم سے تعرض نہیں کریں گے نہ تمہیں کوئی سزا دیں گے۔