سورة القمر

نِّعْمَةً مِّنْ عِندِنَا ۚ كَذَٰلِكَ نَجْزِي مَن شَكَرَ

اپنی طرف سے انعام کرتے ہوئے، اسی طرح ہم بدلہ دیتے ہیں اسے جو شکر کرے۔

یعنی ان کو عذاب سے بچانا، یہ ہماری رحمت اور احسان تھا جو ان پر ہوا۔ شکر کرنے والوں کو خدا اسی طرح برے اور آڑے وقت میں کام آتا ہے۔ اور انھیں ان کی شکر گزاری کا پھل دیتا ہے۔ عذاب کے آنے سے پہلے لوط علیہ السلام انہیں آگاہ کر چکے تھے۔ لیکن انہوں نے توجہ نہ کی بلکہ شک و شبہ اور جھگڑا کیا۔