سورة القمر

إِنَّا أَرْسَلْنَا عَلَيْهِمْ رِيحًا صَرْصَرًا فِي يَوْمِ نَحْسٍ مُّسْتَمِرٍّ

بے شک ہم نے ان پر ایک تند آندھی بھیجی، ایسے دن میں جو دائمی نحوست والا تھا۔

قوم عادم اور اس کا انجام یہ عذاب شام کے وقت، تند، یخ اور شاں شاں کرتی ہوئی ہوا سے شروع ہوا۔ پھر یہ ہوا مسلسل سات راتیں اور آٹھ دن چلتی رہی۔ یہ ہوا گھروں میں قلعوں میں بند انسانوں کو بھی وہاں سے اُٹھاتی اور اس زور سے انھیں زمین پر پٹختی کہ ان کے سر ان کے دھڑوں سے الگ ہو جاتے۔ یہ دن ان کے لیے عذاب کے اعتبار سے منحوس ثابت ہوا۔ اور یہ عذاب اس وقت تک جاری رہا جب تک سب ہلاک نہیں ہو گئے۔