سورة النجم

هَٰذَا نَذِيرٌ مِّنَ النُّذُرِ الْأُولَىٰ

یہ پہلے ڈرانے والوں میں سے ایک ڈرانے والا ہے۔

یعنی آنحضرت صلی اللہ علیہ وسلم خوف اور ڈر سے آگاہ کرنے والے ہیں آپ کی رسالت بھی ایسی ہی ہے جیسے پہلے رسولوں کی رسالت تھی جسے سورۂ احقاف (۹) میں فرمایا کہ: ﴿قُلْ مَا كُنْتُ بِدْعًا مِّنَ الرُّسُلِ﴾ ’’میں کوئی نیا رسول تو ہوں نہیں۔ یعنی میں کوئی نئی بات نہیں کہتا۔ تمہیں اپنے برے انجام سے بچ جانے کی طرف بلاتا ہوں۔ سابقہ انبیاء بھی اپنی قوموں کو یہی کچھ کہتے رہے ہیں۔