سورة الذاريات

فَوَرَبِّ السَّمَاءِ وَالْأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ

سو آسمان و زمین کے رب کی قسم ہے ! بلاشبہ یہ (بات) یقیناً حق ہے اس (بات) کی طرح کہ بلا شبہ تم بولتے ہو۔

پھر اللہ تعالیٰ خود اپنی قسم کھا کر فرماتا ہے کہ جس طرح تمہیں اپنے بولنے میں کوئی شک و شبہ نہیں ہوتا ویسے ہی اس کلام میں بھی شک و شبہے کی کوئی گنجائش نہیں۔ قیامت ضرور قائم ہو گی۔ آخرت آ کے رہے گی، تمہارے اعمال کا ضرور محاسبہ کیا جائے گا پھر تمہیں قرار واقعی سزا دی جائے گی۔