سورة الذاريات

قُتِلَ الْخَرَّاصُونَ

اٹکل لگا نے والے مارے گئے۔

یعنی جو لوگ اپنے کفر و شرک میں غافل اور بے پروا ہیں یہ لوگ ازروئے تمسخر یہ سوال کرتے ہیں کہ جزا کا دن کب آئے گا؟ اللہ تعالیٰ فرماتا ہے اس دن تو یہ آگ میں تپائے جائیں گے جس طرح سونا تپایا جاتا ہے۔ یہ اس میں جلیں گے اور ان سے کہا جائے گا کہ جلنے کا مزہ چکھو۔ اپنے کرتوت کے بدلے برداشت کرو۔ پھر ان کی اور زیادہ حقارت کے لیے انہیں ڈانٹ ڈپٹ کر کہا جائے گا یہی ہے جس کی جلدی مچا رہے تھے۔ کہ کب آئے گا کب آئے گا؟