سورة محمد - آیت 9

ذَٰلِكَ بِأَنَّهُمْ كَرِهُوا مَا أَنزَلَ اللَّهُ فَأَحْبَطَ أَعْمَالَهُمْ

ترجمہ عبدالسلام بھٹوی - عبدالسلام بن محمد

یہ اس لیے کہ بے شک انھوں نے اس چیز کو ناپسند کیا جو اللہ نے نازل کی تو اس نے ان کے اعمال ضائع کردیے۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی یہ لوگ قرآن اور حدیث سے ناخوش ہیں نہ اس کی عزت و عظمت ان کے دل میں ہے اور نہ ان کا قصد و ارادہ اس کو تسلیم کر لینے کا ہے۔ پس ان کے جو اچھے کام تھے اللہ نے انھیں بھی غارت کر دیا اور عدم ایمان کی وجہ سے اللہ کے ہاں اجر و ثواب نہیں ملے گا۔