سورة محمد

وَالَّذِينَ كَفَرُوا فَتَعْسًا لَّهُمْ وَأَضَلَّ أَعْمَالَهُمْ

اور جن لوگوں نے کفر کیا سو ان کے لیے ہلاکت ہے اور اس نے ان کے اعمال برباد کردیے۔

کافروں کا حال بالکل اس کے برعکس ہے۔ یہ قدم قدم پر ٹھوکریں کھائیں گے۔ ان کے نیک اعمال بھی اکارت جائیں گے۔ حدیث میں آتا ہے کہ: دینار درہم اور کپڑے لتے کا بندہ ٹھوکر کھا گیا وہ برباد ہوا اور ہلاک ہوا۔ اگر وہ بیمار پڑے تو خدا کرے اسے شفا بھی نہ ہو۔ (ابن کثیر)