سورة الزخرف - آیت 38

حَتَّىٰ إِذَا جَاءَنَا قَالَ يَا لَيْتَ بَيْنِي وَبَيْنَكَ بُعْدَ الْمَشْرِقَيْنِ فَبِئْسَ الْقَرِينُ

ترجمہ عبدالسلام بھٹوی - عبدالسلام بن محمد

یہاں تک کہ جب وہ ہمارے پاس آئے گا تو کہے گا اے کاش! میرے درمیان اور تیرے درمیان دو مشرقوں کا فاصلہ ہوتا، پس وہ برا ساتھی ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

قیامت کے دن جب اللہ کے سامنے حاضر ہوں گے اور معاملہ کھل جائے گا تو اپنے ساتھی کو جسے اپنا حقیقی خیر خواہ سمجھ رہا تھا، حسرت اور غصے سے کہے گا کاش! میرے اور تیرے درمیان زمین و آسمان کا فاصلہ ہوتا۔ اور میں ایک لمحہ بھی تیری صحبت میں نہ گزارتا۔ تو تو بہت برا ساتھی ہے۔