سورة الزخرف

وَمَن يَعْشُ عَن ذِكْرِ الرَّحْمَٰنِ نُقَيِّضْ لَهُ شَيْطَانًا فَهُوَ لَهُ قَرِينٌ

اور جو شخص رحمن کی نصیحت سے اندھا بن جائے ہم اس کے لیے ایک شیطان مقرر کردیتے ہیں، پھر وہ اس کے ساتھ رہنے والا ہوتا ہے۔

ومن یعش: اور جو رحمٰن کے ذکر سے آنکھیں بند کر لے۔ عربی میں آنکھ کی بینائی کو عَشی فی العین (یعنی بینائی کی کمی) کہتے ہیں، اللہ تعالیٰ فرماتا ہے کہ جو شخص اللہ کے یہاں سے آئی ہوئی نصیحت یا قرآن سے عمداً بے نیاز رہنا چاہتا ہے اس پر ایک شیطان خصوصی طور پر مسلط کر دیا جاتا ہے۔ جو ہر وقت اس کے ساتھ رہتا ہے۔ اس کے دل میں وسوسے ڈالتا ہے۔ اور اللہ کی یاد سے غافل کیے رکھتا ہے حتیٰ کہ اسے دوزخ تک پہنچا کر چھوڑتا ہے۔