سورة الزخرف

وَإِنَّهُ فِي أُمِّ الْكِتَابِ لَدَيْنَا لَعَلِيٌّ حَكِيمٌ

اور بے شک وہ ہمارے پاس اصل کتاب میں یقیناً بہت بلند، کمال حکمت والا ہے۔

بلند مرتبہ اور حکمت والی کتاب: یعنی اس کے مضامین اور اصول دین چونکہ ایک ہی جیسے رہے ہیں۔ اور پہلی آسمانی کتابوں سے ملتے جلتے ہیں، اس لیے کہ یہ سب کچھ پہلے سے ہی ہمارے پاس اصل کتاب میں لکھا ہوا موجود ہے۔ اور ہم مختلف ادوار میں مختلف انبیا پر انہی کی اپنی اپنی زبانوں میں نازل کرتے رہتے ہیں۔ اسی طرح ہم نے قرآن کو لوح محفوظ سے عربی زبان میں نبی محمد صلی اللہ علیہ وسلم پر نازل کیا ہے۔ تاکہ اہل زمین بھی اس کے شرف و عظمت کو ملحوظ رکھتے ہوئے اس کو قرار واقعی اہمیت دیں اور اس سے ہدایت کا وہ مقصد حاصل کریں جس کے لیے انھیں دنیا میں اُتارا گیا ہے۔ ام الکتاب سے مراد لوح محفوظ ہے۔