سورة الشورى

وَلَمَن صَبَرَ وَغَفَرَ إِنَّ ذَٰلِكَ لَمِنْ عَزْمِ الْأُمُورِ

اور بلاشبہ جو شخص صبر کرے اور معاف کردے تو بے شک یہ یقیناً بڑی ہمت کے کاموں سے ہے۔

یعنی زیادتی کو برداشت کر جانا بذات خود بڑی ہمت اور حوصلے کا کام ہے۔ جیسا کہ رسول اللہ صلی اللہ علیہ وسلم نے فرمایا کہ ’’پہلوان وہ نہیں جو دوسرے کو کشتی میں پچھاڑ دے، بلکہ وہ ہے جو غصہ کے وقت اپنے آپ کو ضبط میں رکھے۔‘‘ (بخاری: ۶۱۶۱) پھر اگر وہ صرف برداشت ہی نہ کرے بلکہ زیادتی کرنے والے کو معاف بھی کر دے۔ تو پھر اس کے کیاکہنے ہیں؟ اور یہ بڑے دل گردے کا کام ہے۔ اور صرف ان لوگوں کو نصیب ہوتا ہے جنہیں اللہ توفیق دیتا ہے۔