سورة الشورى

وَلَمَنِ انتَصَرَ بَعْدَ ظُلْمِهِ فَأُولَٰئِكَ مَا عَلَيْهِم مِّن سَبِيلٍ

اور بے شک جو شخص اپنے اوپر ظلم ہونے کے بعد بدلہ لے لے تو یہ وہ لوگ ہیں جن پر کوئی راستہ نہیں۔

بدلہ لینے کے اصول: یعنی جو لوگ بدلہ لینا ہی چاہیں۔ مگر بدلہ لینے میں زیادتی نہ کریں۔ ان پر کوئی الزام نہیں۔ مورد الزام وہ لوگ ہیں جو ظلم کی ابتدا کرتے ہیں اور بلاو جہ کرتے ہیں۔ پھر اگر بدلہ لیں تو بدلہ لینے میں حد سے بڑھ جاتے اور مزید ظلم کے مرتکب ہوتے ہیں ایسے ہی لوگ فسادی ہیں جن کا بدلہ درد ناک عذاب ہے۔ رسول اللہ صلی اللہ علیہ وسلم نے فرمایا: ظلم سے بچو، کیونکہ ظلم قیامت کے دن تاریکیاں ہو گا۔ (مسلم: ۲۵۷۸)