یعنی اللہ نے حق کے ساتھ کتاب نازل فرمائی اور عدل و انصاف اتارا۔ جیسا کہ سورہ حدید (۲۵) میں ارشاد فرمایا کہ: ﴿لَقَدْ اَرْسَلْنَا رُسُلَنَا بِالْبَيِّنٰتِ﴾ ’’ہم نے اپنے رسولوں کو ظاہر دلیلوں کے ساتھ بھیجا اور ان کے ساتھ کتاب اور میزان اتاری تاکہ لوگ انصاف پر قائم ہو جائیں۔‘‘ سورہ رحمٰن (۷) میں ارشاد فرمایا کہ: ﴿وَ السَّمَآءَ رَفَعَهَا﴾ ’’آسمان کو اسی نے اونچا کیا اور ترازؤوں کو اسی نے رکھا تاکہ تم تولنے میں کمی بیشی نہ کرو۔ اور انصاف کے ساتھ وزن ٹھیک رکھو اور تول کو مت گھٹاؤ۔‘‘