سورة فصلت - آیت 26

وَقَالَ الَّذِينَ كَفَرُوا لَا تَسْمَعُوا لِهَٰذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ

اور ان لوگوں نے کہا جنھوں نے کفر کیا، اس قرآن کو مت سنو اور اس میں شور کرو، تاکہ تم غالب رہو۔

کفار نے آپس میں مشورہ کر کے اس پر اتفاق کر لیا ہے کہ وہ کلام اللہ کو نہیں سنیں گے نہ اس کے احکام کی پیروی ہی کریں گے۔ بلکہ ایک دوسرے سے کہہ رکھا تھا کہ جب قرآن پڑھا جائے تو شور و غل کرو اور اسے نہ سنو۔ تالیاں پیٹو، سیٹیاں بجاؤ، آوازیں نکالو، تاکہ حاضرین کے کانوں میں قرآن کی آواز نہ جائے اور ان کے دل قرآن کی بلاغت اور خوبیوں سے متاثر نہ ہوں۔ چنانچہ قریشی یہی کرتے تھے قرآن میں عیب جوئی کرتے تھے، انکار کرتے تھے اور اسے اپنے غلبہ کا باعث جانتے تھے۔