سورة غافر - آیت 41

وَيَا قَوْمِ مَا لِي أَدْعُوكُمْ إِلَى النَّجَاةِ وَتَدْعُونَنِي إِلَى النَّارِ

اور اے میری قوم ! مجھے کیا ہے کہ میں تمھیں نجات کی طرف بلاتا ہوں اور تم مجھے آگ کی طرف بلاتے ہو۔

یعنی میں تمہاری بھلائی، خیر خواہی اور نجات کے رستہ کی طرف بلاتا ہوں کہ اللہ کے رسول پر ایمان لے آؤ اور نیک اعمال بجا لاؤ۔ صرف ایک اللہ کی عبات کرو۔ اس کے ساتھ کسی کو شریک نہ بناؤ۔ اور یہ کیا بات ہے کہ میں تمہیں توحید کی طرف بلا رہا ہوں اور تم مجھے کفر و شرک کی طرف بلا رہے ہو؟ جو جہنم میں لے جانے والا ہے۔