سورة غافر

وَكَذَٰلِكَ حَقَّتْ كَلِمَتُ رَبِّكَ عَلَى الَّذِينَ كَفَرُوا أَنَّهُمْ أَصْحَابُ النَّارِ

اور اس طرح ان لوگوں پر تیرے رب کی بات ثابت ہوگئی جنھوں نے کفر کیا کہ بے شک وہی آگ والے ہیں۔

اس آیت میں اس بات کا اظہار ہے کہ جس طرح پچھلی امتوں پر تیرے رب کا عذاب ثابت ہوا یعنی ان کے زبردست گناہوں اور بد ترین سرکشیوں کی بنا پر انھیں ہلاک کر دیا گیا۔ اگر یہ اہل مکہ بھی آپ صلی اللہ علیہ وسلم کی تکذیب اور مخالفت سے باز نہ آئے تو ان پر بھی میرے ایسے ہی عذاب نازل ہونے والے ہیں، یہ گو دوسرے نبیوں کو سچا مانیں لیکن جب تک تیری نبوت کے قائل نہ ہوں ان کی سچائی مردود ہے، پھر انہیں کوئی بچانے والا نہیں ہو گا۔