سورة الزمر

وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُم مُّسْوَدَّةٌ ۚ أَلَيْسَ فِي جَهَنَّمَ مَثْوًى لِّلْمُتَكَبِّرِينَ

اور قیامت کے دن تو دیکھے گا کہ وہ لوگ جنھوں نے اللہ پر جھوٹ باندھا ان کے چہرے سیاہ ہوں گے، کیا جہنم میں ان متکبروں کے لیے کوئی ٹھکانا نہیں ؟

مشرکین کے چہرے سیاہ ہو جائیں گے: قیامت کے دن دو طرح کےلوگ ہوں گے کالے منہ والے اور نورانی چہرے والے، اللہ کے شریک ٹھہرانے والوں، اور اس کی اولاد مقرر کرنے والوں کے ان کے جھوٹ اور بہتان کی وجہ سے چہرے کالے ہوں گے۔ یہ جہنم میں جھونک دئیے جائیں گے جہاں بڑی ذلت کے ساتھ سخت اور بد ترین سزائیں بھگتیں گے۔ تکبر کرنے والے جہنم کے جیل خانے میں بند کر دئیے جائیں گے۔