اللہ تعالیٰ اپنے نبی صلی اللہ علیہ وسلم کو خطاب کر کے فرما رہے ہیں کہ ہم نے تجھ پر قرآن کو سچائی اور راستی کے ساتھ تمام جن و انس کی ہدایت کے لیے نازل فرمایا ہے۔ اس کے فرمان کو مان کر راہ راست حاصل کرنے والے اپنا ہی نفع کریں گے اور اس کے ہوتے ہوئے بھی دوسری غلط راہوں پر چلنے والے اپنا ہی بگاڑیں گے تو اس امر کے ذمہ دار آپ نہیں۔ کہ ہر شخص اسے مان لے۔ آپ کے ذمہ صرف پہنچا دینا ہے حساب لینے والے ہم خود ہیں۔