سورة الصافات - آیت 139

وَإِنَّ يُونُسَ لَمِنَ الْمُرْسَلِينَ

ترجمہ عبدالسلام بھٹوی - عبدالسلام بن محمد

اور بلاشبہ یونس یقیناً رسولوں میں سے تھا۔

تسہیل البیان فی تفسیر القرآن - ام عمران شکیلہ بنت میاں فضل حسین

ابق کا لفظ بالخصوص ایک غلام کا اپنے آقا کے ہاں سے بھاگ کھڑا ہونے کے لیے استعمال ہوتا ہے۔ حضرت یونس علیہ السلام بھی بغیر اللہ کے حکم کے اپنی قوم کے لوگوں سے بھاگ آئے تھے۔ اس لیے یہ لفظ استعمال کیا گیا ہے۔ اس میں لطیف اشارہ یہ ہے کہ ہر شخص حتیٰ کہ ہر نبی بھی اپنے پروردگار کا ہمہ وقتی غلام اور بندہ ہوتا ہے۔