سورة الصافات - آیت 117

وَآتَيْنَاهُمَا الْكِتَابَ الْمُسْتَبِينَ

ترجمہ عبدالسلام بھٹوی - عبدالسلام بن محمد

اور ہم نے ان دونوں کو نہایت واضح کتاب دی۔

تسہیل البیان فی تفسیر القرآن - ام عمران شکیلہ بنت میاں فضل حسین

واضح کتاب: فرعون اور آل فرعون کی غرقابی کے بعد ہی طور سینا کے مقام پر سیدنا موسیٰ علیہ السلام پر تورات نازل ہوئی۔ اس سے پیشتر حضرت موسیٰ علیہ السلام پر بھی صحیفے ہی نازل ہوتے رہے۔ تورات پہلی آسمانی کتاب ہے جس میں بنی اسرائیل کو زندگی سے متعلق واضح احکام دئیے گئے تھے پھر اسی کتاب کی روشنی میں ہی ان دونوں نبیوں نے بنی اسرائیل کی راہنمائی کی۔