سورة الصافات - آیت 20

وَقَالُوا يَا وَيْلَنَا هَٰذَا يَوْمُ الدِّينِ

ترجمہ عبدالسلام بھٹوی - عبدالسلام بن محمد

اور کہیں گے ہائے ہماری بربادی! یہ تو جزا کا دن ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

مجرم لوگ قیامت کے دہشت انگیز اور وحشت انگیز امور کو دیکھ کر کہیں گے۔ ہائے ہائے! یہی تو روز جزا ہے۔ تو مومن اور فرشتے بطور ڈانٹ ڈپٹ اور ندامت بڑھانے کے لیے ان سے کہیں گے۔ ہاں یہی وہ فیصلے کا دن ہے جسے تم سچا نہیں مانتے تھے۔