سورة يس - آیت 10

وَسَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لَا يُؤْمِنُونَ

اور ان پر برابر ہے، خواہ تو انھیں ڈرائے، یا انھیں نہ ڈرائے، وہ ایمان نہیں لائیں گے۔

یہ حالت اس وقت ہوتی ہے جب کوئی شخص اپنی ضد اور ہٹ دھرمی کی بنا پر اس مقام پر پہنچ جاتا ہے کہ وہ کوئی معقول سے معقول دلیل سننے پر بھی تیار نہیں ہوتا اور ’’میں نہ مانو‘‘ کی خصلت اس میں پختہ ہو جاتی ہے۔ وہ دل میں ایک حقیقت تسلیم کرنے کے باوجود زبان سے اس کا انکار کر دیتا ہے۔ اسی کیفیت کو قرآن میں اللہ تعالیٰ نے کئی مقامات پر دلوں پر مہر لگا دینے سے تعبیر فرمایا ہے۔