سورة العنكبوت

وَالَّذِينَ آمَنُوا وَعَمِلُوا الصَّالِحَاتِ لَنُبَوِّئَنَّهُم مِّنَ الْجَنَّةِ غُرَفًا تَجْرِي مِن تَحْتِهَا الْأَنْهَارُ خَالِدِينَ فِيهَا ۚ نِعْمَ أَجْرُ الْعَامِلِينَ

اور جو لوگ ایمان لائے اور انھوں نے نیک کام کیے ہم انھیں ضرور ہی جنت کے اونچے گھروں میں جگہ دیں گے، جن کے نیچے سے نہریں بہتی ہیں، ہمیشہ ان میں رہنے والے ہیں، یہ ان عمل کرنے والوں کا اچھا بدلہ ہے۔

یعنی ایمان دار اور نیک اعمال والے لوگوں کواللہ تعالیٰ جنت عدن کی بلندوبالامنزلوں میں پہنچائے گا۔جن کے نیچے قسم قسم کی نہریں بہہ رہی ہوں گی۔یہ نہریں پانی، شراب، شہد اور دودھ کی ہوں گی۔یہ نہریں یہ چشمے،جنتی جہاں چاہیں گے خودبخودبہنے لگیں گے یہ وہاں ہمیشہ رہیں گے۔نہ وہاں سے نکالے جائیں گے نہ ہٹائے جائیں گے۔نہ وہ نعمتیں ختم ہوں گی نہ ان میں گھاٹا ہوگا۔ (ابن کثیر)