سورة القصص

قُلْ فَأْتُوا بِكِتَابٍ مِّنْ عِندِ اللَّهِ هُوَ أَهْدَىٰ مِنْهُمَا أَتَّبِعْهُ إِن كُنتُمْ صَادِقِينَ

کہہ پھر اللہ کے پاس سے کوئی ایسی کتاب لے آؤ جو ان دونوں سے زیادہ ہدایت والی ہو کہ میں اس کی پیروی کروں، اگر تم سچے ہو۔

آپ ان کفار مکہ کو یہ جواب دیجیے کہ میں تو اللہ کی طرف سے نازل شدہ کتاب ہدایت کی پیروی کرنے کو تیار ہوں ۔ اگر تمہارے پاس تو رات اور قرآن سے بہتر کوئی کتاب ہدایت موجود ہے تو اسے چھپاکیوں رکھاہے۔ وہ لاؤ سب سے پہلے میں اس کی پیروی کروں گا۔ اللہ تعالیٰ نے یہ جواب اس لیے بتایا کہ وہ تورات اور قرآن کو جادو کہتے تھے اور جادو ایسی چیز ہے جس کا مقابلہ بھی کیاجاسکتاہے اور اس سے بہتر قسم کاجادو لایاجاسکتاہے۔ لہٰذا اگر یہ کتابیں جادو ہیں تو تم اس سے بہتر چیز پیش کیوں نہیں کرتے۔