سورة القصص

وَاسْتَكْبَرَ هُوَ وَجُنُودُهُ فِي الْأَرْضِ بِغَيْرِ الْحَقِّ وَظَنُّوا أَنَّهُمْ إِلَيْنَا لَا يُرْجَعُونَ

اور وہ اور اس کے لشکر کسی حق کے بغیر زمین میں بڑے بن بیٹھے اور انھوں نے گمان کیا کہ بے شک وہ ہماری طرف واپس نہیں لائے جائیں گے۔

زمین سے مراد ارض مصر ہے جہاں فرعون حکمران تھا۔ انھیں اللہ نے زمین کے تھوڑے حصے میں چند دن کے لیے اقتدار بخشا تو وہ سمجھنے لگے کہ ان کے اوپر کوئی ہستی ہے ہی نہیں جو ان سے یہ اقتدار چھین سکتی ہے۔ نہ انھیں کبھی یہ خیال ہی آیا تھا کہ مرنے کے بعد ہمیں اللہ کے حضور پیش ہوناہے اور ہمارے ایک ایک کام سے متعلق ہم سے باز پُرس ہونے والی ہے۔