سورة النمل

وَمَن جَاءَ بِالسَّيِّئَةِ فَكُبَّتْ وُجُوهُهُمْ فِي النَّارِ هَلْ تُجْزَوْنَ إِلَّا مَا كُنتُمْ تَعْمَلُونَ

اور جو برائی لے کر آئے گا تو ان کے چہرے آگ میں اوندھے ڈالے جائیں گے۔ تم بدلہ نہیں دیے جاؤ گے مگر اسی کا جو تم کیا کرتے تھے۔

سزا یا بُرے اعمال کے برے بدلے کے مطابق اللہ کا ضابطہ یا قانون یہ ہے کہ جتنا کسی نے جرم کیاہے اسے اتنی ہی سزا دی جائے کیونکہ اللہ کسی حال میں بھی اپنے بندوں پر زیادتی نہیں کرتا۔ اپنی اپنی کرنی اور اپنی اپنی بھرنی اکثر مفسرین سے مروی ہے کہ برائی سے مراد شرک ہے (عبداللہ بن مسعود رضی اللہ عنہ، حاکم اور ذہبی نے اسے صحیح کہاہے۔) شرک کی سزا ہی خلود فی النار ہے۔