سورة النمل

فَأَنجَيْنَاهُ وَأَهْلَهُ إِلَّا امْرَأَتَهُ قَدَّرْنَاهَا مِنَ الْغَابِرِينَ

تو ہم نے اسے اور اس کے گھر والوں کو بچالیا مگر اس کی بیوی۔ ہم نے اسے پیچھے رہنے والوں میں طے کردیا تھا۔

جب کافروں نے حضرت لوط علیہ السلام اوران کے ساتھیوں کوشہرسے نکالنے کاپختہ ارادہ کرلیا،تواللہ نے انہیں ہلاک کردیااورحضرت لوط علیہ السلام اوران کے اہل کوبچالیا۔ہاں ان کی بیوی جوقوم کے ساتھ ہی تھی وہ پہلے سے ہی ان ہلاک ہونے والوں میں لکھی جاچکی تھی۔وہ قوم کے ساتھ ہی عذاب میں تباہ ہوگئی۔کیونکہ یہ قوم کے دین اوران کے طریقوں میں ان کی مدد کرتی تھی۔ لیکن یہ خیال رہے کہ معاذاللہ ان کی فحش کاری میں یہ شریک نہ تھی کہ یہ بات اللہ کے نبی علیہ السلام کی بزرگی کے خلاف ہے کہ ان کی بیوی بدکارہو۔