سورة النمل

وَلَقَدْ أَرْسَلْنَا إِلَىٰ ثَمُودَ أَخَاهُمْ صَالِحًا أَنِ اعْبُدُوا اللَّهَ فَإِذَا هُمْ فَرِيقَانِ يَخْتَصِمُونَ

اور بلاشبہ یقیناً ہم نے ثمود کی طرف ان کے بھائی صالح کو بھیجا کہ اللہ کی عبادت کرو تو اچانک وہ دو گروہ ہو کر جھگڑ رہے تھے۔

حضرت صالح علیہ السلام جب اپنی قوم ثمودکے پاس آئے توانہیں توحیدکی دعوت دی۔ جس سے وہ دو گروہ بن گئے۔ایک جماعت مومنوں کی اور دوسراگروہ کافروں کایہ آپس میں گتھم گتھا گئے جیسے کہ قرآن میں ہے کہ متکبروں نے عاجزوں سے کہاکہ کیاتم صالح کورسول مانتے ہو؟انہوں نے جواب دیا کہ ہم کھلم کھلاایمان لاچکے ہیں۔انہوں نے کہاکہ بس تو پھر ہم بھی ایسے ہی کھلم کھلاکافرہیں۔ہرنبی کی دعوت پریہی کچھ ہوتاہے،مظلوم قسم کے لوگ نبی کی دعوت پرلبیک کہتے ہیں اورچودھری قسم کے کھاتے پیتے لوگ نبی کے دشمن بن جاتے ہیں۔