بِسْمِ اللَّهِ الرَّحْمَٰنِ الرَّحِيمِ
اللہ کے نام سے جو بے حد رحم والا، نہایت مہربان ہے۔
تعارف سورۃ: یہ سورۃ دو خطبوں پر مشتمل ہے ۔ پہلے خطبے میں بتایا گیاہے کہ قرآن کی راہنمائی سے صرف وہی لوگ فائدہ اٹھا سکتے ہیں اور اس کی بشارتوں کے مستحق بھی صرف وہی لوگ ہیں جو ان حقیقتوں کو تسلیم کریں جنھیں یہ کتاب اس کائنات کی بنیادی حیثیتوں سے پیش کرتی ہے۔ دوسرے خطبے میں سب سے پہلے کائنات کے چند نمایاں ترین اور مشہور حقائق کی طرف اشارہ کرکے کفار مکہ سے پے درپے سوال کیاگیا ہے کہ بتاؤ یہ حقائق شرک کی شہادت دے رہے ہیں جن میں تم مبتلا ہو یا توحید پر گواہ ہیں جس کی دعوت اس قرآن میں تمہیں دی جارہی ہے۔ خاتمہ کلام میں اس قرآن کی اصل دعوت یعنی خدائے واحد کی بندگی کی دعوت نہایت مختصر مگر انتہائی موثر انداز میں پیش کرکے لوگوں کو خبر دار کیا گیاہے کہ اسے قبول کرنا تمہارے اپنے لیے نافع اور اسے رد کرنا تمہارے اپنے لیے ہی نقصان دہ ہے۔ (تفہیم القرآن )