سورة الشعراء

أَتَبْنُونَ بِكُلِّ رِيعٍ آيَةً تَعْبَثُونَ

کیا تم ہر اونچی جگہ پر ایک یادگار بناتے ہو؟ اس حال میں کہ لاحاصل کام کرتے ہو۔

یاد گاریں تعمیر کرنا قوم عاد کا طریقہ اورعبث کام ہے۔ اس قوم کے تین افعال کااللہ تعالیٰ نے ذکرفرمایاان میں سے پہلے دوفن تعمیرسے تعلق رکھتے ہیں پہلایہ کہ یہ لوگ یادگاریں زیادہ تعمیر کرتے ہیں جن کا عملی زندگی میں کوئی فائدہ نہ ہوتا تھا۔ مثلاً کسی نے اپنی یادگار میں شاندارمقبرہ تعمیرکرالیا۔کسی نے کوئی اونچامینار بنا لیا، کسی نے بارہ دری تعمیرکرادی جیسے احرام مصر وغیرہ کہ ان سے مقصودصرف ناموری یا نمود ونمائش ہوتا تھا۔ دوسرا فعل یہ کہ وہ اپنے رہائشی گھربھی بہت اونچے اور مضبوط بناتے تھے۔اوریہ سمجھتے تھے کہ شایدازل سے ابدتک انھیں مکانات میں رہناہے۔