وَإِذَا بَلَغَ الْأَطْفَالُ مِنكُمُ الْحُلُمَ فَلْيَسْتَأْذِنُوا كَمَا اسْتَأْذَنَ الَّذِينَ مِن قَبْلِهِمْ ۚ كَذَٰلِكَ يُبَيِّنُ اللَّهُ لَكُمْ آيَاتِهِ ۗ وَاللَّهُ عَلِيمٌ حَكِيمٌ
اور جب تم میں سے بچے بلوغت کو پہنچ جائیں تو اسی طرح اجازت طلب کریں جس طرح وہ لوگ اجازت طلب کرتے رہے جو ان سے پہلے تھے۔ اسی طرح اللہ تمھارے لیے اپنی آیات کھول کر بیان کرتا ہے اور اللہ خوب جاننے والا، کمال حکمت والا ہے۔
بوڑھی عورتوں کو حجاب سے رخصت کی مشروط اجازت: یعنی جو بوڑھی عورتیں اس عمر کو پہنچ جائیں کہ نہ اب انھیں مرد کی خواہش ہے نہ نکاح کی توقع، حیض بند ہو جائے تو ان پر پردے کی وہ پابندیاں نہیں جو اور عورتوں پر ہیں۔ عبداللہ ابن مسعود رضی اللہ عنہ سے روایت ہے کہ ایسی عورتوں کو اجازت ہے کہ وہ برقعہ یا چادر اتار دیا کریں۔ صرف دوپٹے میں اور کرتے پاجامے میں رہیں۔ (تفسیر قرطبی)