سورة النور

يُقَلِّبُ اللَّهُ اللَّيْلَ وَالنَّهَارَ ۚ إِنَّ فِي ذَٰلِكَ لَعِبْرَةً لِّأُولِي الْأَبْصَارِ

اللہ رات اور دن کو ادل بدل کرتا ہے، بے شک اس میں آنکھوں والوں کے لیے یقیناً بڑی عبرت ہے۔

گردش لیل ونہار: رات اور دن کا باری باری آنا بھی اللہ کی معرفت کی نشانیوں میں ایک بڑی نشانی ہے۔ وہ جب چاہتا ہے دن کو چھوٹا اور رات کو بڑا کر دیتا ہے اور جب چاہتا ہے رات کو چھوٹا کر کے دن کو بڑا کر دیتا ہے۔ یہ تمام نشانیاں اللہ کی عظمت کو آشکارا کرتی ہیں جیسے کہ فرمانِ الٰہی ہے کہ آسمان وزمین کی پیدائش، رات دن کے اختلاف میں عقلمندوں کے لیے بہت سی نشانیاں ہیں۔