سورة المؤمنون

وَالَّذِينَ هُمْ لِفُرُوجِهِمْ حَافِظُونَ

اور وہی جو اپنی شرم گاہوں کی حفاظت کرنے والے ہیں۔

۵۔ اپنی شرمگاہوں کی حفاظت کرتے ہیں: یہ پانچویں صفت کا بیان ہے۔ اس آیت کے دو مطلب ہیں ایک یہ کہ وہ اپنے مقامات ستر کو ڈھانپ کر رکھتے ہیں اور کسی کے سامنے کھولتے نہیں اور نہ عریاں لباس پہنچتے ہیں کہ بدن کے اعضاء نظر آتے رہیں اور دوسرا یہ مطلب ہے کہ وہ اپنی عفت وعصمت کی پوری طرح نگہداشت کرتے ہیں۔