سورة الأنبياء

وَوَهَبْنَا لَهُ إِسْحَاقَ وَيَعْقُوبَ نَافِلَةً ۖ وَكُلًّا جَعَلْنَا صَالِحِينَ

اور ہم نے اسے اسحاق اور زائد انعام کے طور پر یعقوب عطا کیا اور سبھی کو ہم نے نیک بنایا۔

سیدنا ابراہیم علیہ السلام نے بڑھاپے کی عمر میں اولاد کے لیے دعا کی تواللہ نے سیدنا اسحاق عطا فرمایا، پھر سیدنا اسحاق علیہ السلام کے ہاں سیدنا یعقوب علیہ السلام (پوتا) عطیہ بھی کیا۔ اور یہ تینوں نبی تھے۔ سیدنا ابراہیم علیہ السلام نے صرف لڑکے کی دعا کی تھی اللہ تعالیٰ نے بغیر دعا کے مزید پوتا بھی عطا فرما دیا۔ ان سب کو دنیا کا مقتدا اور پیشوا بنا دیا۔ اور اللہ کے حکم سے لوگوں کو اللہ کے دین کی دعوت دیتے رہے۔ ان کی طرف ہم نے نیک کاموں کی وحی فرمائی اور فرمایا کہ وہ نماز اور زکوٰۃ کا اور نیک کاموں کا لوگوں کو بھی حکم دیں اور خود بھی ان نیکیوں پر عامل رہیں۔