سورة الأنبياء

قَالَ لَقَدْ كُنتُمْ أَنتُمْ وَآبَاؤُكُمْ فِي ضَلَالٍ مُّبِينٍ

کہا بلاشبہ یقیناً تم اور تمھارے باپ دادا کھلی گمراہی میں تھے۔

ابراہیم علیہ السلام نے کہا، میرا جو اعتراض تم پر ہے وہی تمھارے آباؤ اجداد پر بھی ہے، ایک گمراہی میں اگر تمھارے بڑے مبتلا ہوں اور تم بھی اس میں مبتلا ہو جاؤ تو وہ گمراہی بھلائی بننے سے تو رہی۔ میں کہتا ہوں کہ تم اور تمھارے بڑے سبھی راہ حق سے برگشتہ ہو گئے ہو اور کھلی گمراہی میں ڈوبے ہوئے ہو۔ تو ان کے کان کھڑے ہوئے۔ کیونکہ انھوں نے اپنے باپ داداؤں کی نسبت نہ سننے والے کلمات سنے، اپنے معبودوں کی توہین ہوتی ہوئی دیکھی تو گھبرا گئے اور کہنے لگے، ابراہیم علیہ السلام کیا واقعی تم ٹھیک کہہ رہے ہو یامذاق کر رہے ہو۔ ہم نے تو ایسی بات کبھی نہیں سنی۔