سورة الأنبياء

قَالُوا وَجَدْنَا آبَاءَنَا لَهَا عَابِدِينَ

انھوں نے کہا ہم نے اپنے باپ دادا کو انھی کی عبادت کرنے والے پایا ہے۔

قوم کو اس سوال کا کوئی جواب میسر نہ آیا سوائے اس بات کے کہ ہم نے اپنے آباو اجداد کو ان کے عبادت کرتے پایا ہے: یعنی جس طرح آج بھی جہالت اور خرافات میں پھنسے ہوئے مسلمانوں کو بدعات و رسومات جاہلیہ سے روکا جائے تو وہ یہ جواب دیتے ہیں کہ ہم انھیں کس طرح چھوڑیں جب کہ ہمارے آباء اجداد بھی یہی کچھ کرتے رہے ہیں اور یہی جواب ان کا تھا کہ چونکہ ہم نے اپنے باپ دادا کو بھی ایسا ہی کرتے پایا ہے اس لیے ہم بھی ان کی اتباع میں یہی کچھ کر رہے ہیں۔