سورة الأنبياء

قُلْ إِنَّمَا أُنذِرُكُم بِالْوَحْيِ ۚ وَلَا يَسْمَعُ الصُّمُّ الدُّعَاءَ إِذَا مَا يُنذَرُونَ

کہہ دے میں تو تمھیں صرف وحی کے ساتھ ڈراتا ہوں اور بہرے پکارکو نہیں سنتے، جب کبھی ڈرائے جاتے ہیں۔

اللہ تعالیٰ اپنے نبی سے فرماتے ہیں کہ آپ صلی اللہ علیہ وسلم ان سے کہیے کہ میں تو اللہ کی طرف کا مبلغ ہوں، جن جن عذابوں سے تمھیں خبردار کر رہا ہوں یہ اپنی طرف سے نہیں ہے بلکہ اللہ کا کہا ہوا ہے۔ ہاں جن کی آنکھیں اللہ نے اندھی کر دی ہیں اور جن کے دل و دماغ بند کر دیے ہیں۔ انھیں اللہ کی یہ باتیں سودمند نہیں پڑتیں، بہروں کو آگاہ کرنا بے کار ہے۔کیونکہ وہ تو سنتے ہی نہیں۔