سورة الأنبياء

وَجَعَلْنَا السَّمَاءَ سَقْفًا مَّحْفُوظًا ۖ وَهُمْ عَنْ آيَاتِهَا مُعْرِضُونَ

اور ہم نے آسمان کو محفوظ چھت بنایا اور وہ اس کی نشانیوں سے منہ پھیرنے والے ہیں۔

آسمان و زمین میں اللہ کی بہت سی نشانیاں ہیں جو لوگوں کے سامنے موجود ہیں لیکن پھر بھی کوئی غور و فکر نہیں کرتے۔ کہ کتنا بلند، کس قدر عظیم الشان یہ آسمان ہمارے سروں پر بغیر ستون کے اللہ تعالیٰ نے قائم کررکھا ہے۔ اگر غور کر لیتے تو بآسانی اس نتیجہ پر پہنچ سکتے کہ ان اشیاء کو پیدا کرنے والی اور ان میں نظم وضبط رکھنے والی ضرور کوئی نہ کوئی ہستی موجود ہے۔ جو اتنی بااختیار، علیم اور مقتدر ہے جو کہ ان تمام اشیاء پر کنٹرول کر رہی ہے اور وہ ایک ہی ہوسکتی ہے۔ تو پھر انھیں کسی معجزے کے مطالبہ کی ضرورت پیش نہ آتی۔